موقع ومنتديات قرية البرزة: كسره بين ابراهيم الخزاعي وبدر الشيخ

كسره بين ابراهيم الخزاعي وبدر الشيخ
================================================================================
badr on 16/01/2009 00:00:00


البرزة :
كسره بين ابراهيم الخزاعي و بدر الشيخ
ابراهيم
سلام فاول تلاقينــــــــا ... ردية اللي بكم
فرحـــــــان
يا بدر عساك تحيينـــــــا ... من بعد ما ماتت
الاشجــان
بدر
مرحب هلا بك يا غالينا ... يا من لكم خاطري
نشطـــان
هات المثل واستمع فينا ... نبحر سوى فعالم
القيفــــان
ابراهيم
ياخوي نبغاك تفتينـــــــــا ... فاللي منه
حارة الاذهــــــــان
كل ما مشى الحال ياخينا ... قلنا السعد
للمعنــــــــى زان
نسرع وتسرع خطاوينـــا ... نلقى فدرب الفرح
احــــــزان
واليوم ما عاد يمـدينـــــا ... يالله عسى
الصبر والسلـــوان
بدر
عنكم ما تقصر مساعينا ... نبذل لك الجهد
يالحيـــــــــــران
اشرح لي العلم واعطينا ... تفصيل عن وضعكم
باتقـــــــان
واسعى ولا تقول ملينـــا ... خلك فبحر الزمن
ربـــــــــــــان
ما نقبل الياس يا تينـــــا ... وماله في
قاموسنا ميـــــــــزان
ابراهيم
ياخوي جتك العناوينـــــــا ... رسم الكروكي
مع العنــــــــــــوان
خرعوب ناهد شفينينـــــا ... ملاك ما هو بشر
انســــــــــــــــان
بالوصل دايم يمنينــــــــــا ... ويلوع القلب
بالهجــــــــــــــــــران
ابغى اسئل اليوم قاضينا ... منهو الذي فالهوى
ينـــــــــــــــدان
بدر
هيا استمع يا محــــــــاكينا ... بعد السبب في
عناكم بـــــــان
خصمك يجي وانت تاجينـــا ... ونستمع حجتـــه
يـــافـــــــــلان
والحق في وقتها يبينـــــــا ... يجوز انت الذي
غلـــــــطـــــــان
واذا الحكم صــــار وامضينا ... ما يقبل الطعن
والبطـــــــــــــلان
ابراهيم
يا بلبل الشوق غنينــــــــا ... وغرد لنا
باعــــــذب الالحـــــــان
اللي على البال نا سينـــا ... والله ما انسى
الهوى اللي كـــان
يالقلب حظك مشقينــــــا ... لا شك ماحدا بنا
شفقــــــــــــان
واللي بغيته لنا يعينــــــــا ... فالصف واقف
مع الخصمـــــــــان
بدر
بحر الهوى فاقد المينــــــا ... ماله ترى
يالصديق امــــــــــــان
ياكــــــم قبلك مــــــلايينا ... ضحية الود
والغــــــــــــــــــزلان
ولا تتبع ناس مقفينــــــــا ... من باعكم
بيعـــــــه بنقصـــــــان
منهو نسى عشرة سنينا ... غدار طبعه قليل
ايمــــــــــــــــــان